Na noite de onte só era un rumor, agora mesmo xa é un feito: o Valladolid está moi moi interesado en contratar a “La Lámpara”, Nestor Fabián Canobbio. O conxunto pucelano quería pescar nese río revolto que é o Celta e a Lei Concursal. Pero dende Vigo dixéronlle que nanai, que Canobbio hai que pagalo. Interesa largalo (ten unha ficha moi alta) pero non a calquera prezo. Concretamente, o prezo que lle marcaron en Casa Celta (según rumores xa confirmados pola Radio Galega) é Capdevila e Álvaro Antón.

Álvaro Antón, de Burgos, actúa pola banda dereita e de enganche na mediapunta. No Valladolid, en segunda, non destacou moito. Pero nesta tempada, na segunda volta, no Rácing de Ferrol, fixo unha excelente tempada. Xunto a Pereira foi un dos mellores do club departamental. O mellor da segunda volta. Na opinión dun servidor: se é o Álvaro Antón de Ferrol, un moi bo acerto.

Capdevila xa o fomos coñecendo o longo destes días, xoga de interior esquerdo e xa era pretendido polo Celta. E en Capdevila atopamos o problema da operación: Capdevila está moi preto do Murcia. E isto pode estropear está transferencia de xogadores ó completo.

Por certo, o que non está claro é, no caso de vir, se os xogadores serán propiedade do Celta ou cedidos.

Actualización: parece que R. Martínez falou con Canobbio e existe a posibilidade de que se marche ó Valladolid coa carta de liberdade. A cambio disto, debería condonar a débeda que ten o Celta con el, fáltanlle uns honorarios por cobrar, ó igual que pasou con Esteban. Este feito podería desbaratar toda a operación, xa que Canobbio ten pactados tres anos de contrato co Valladolid. Ademais sería un dos mellores pagados no plantel pucelano.